Home/Sport/Local sport/Oor die wenstreep… Local sportSport Oor die wenstreep… Die Pos se gereelde bydrae tot sport in en om die Waterberg. November 15, 2021 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print ‘n Groep lyndansers van Modimolle wat hulself die Galway Girls noem, het ’n derde plek tydens die Suid-Afrikaanse Country Music Award Foundation se lyndans-kompetisie verwerf. Die kompetisie is op Vrydag 5 November in Pretoria gehou. Die kompetisie was voorheen slegs vir Country-sangers, maar het vanjaar ook ‘n lyndans-afdeling ingesluit. Die groep, wat sewe jaar gelede gestig is, het die “Bronze Boot”-toekenning verower. Hier staan Marilyn Scholtz, Juany van Vuuren, Corné Janse van Vuuren (afrigter) en Anita Roux. Die Olifant-perderit wat op Saterdag 6 November buite Mookgophong gehou is, was ’n reuse sukses. Altesame 45 ruiters het vir die perderit ingeskryf. Hulle het die 15 km lange roete onder die fel Bosveldson afgelê. Die roete het op Diamant-wildplaas begin en by die Olifant-standbeeld geeïndig. Die ruiters het gesê die hitte was ’n uitdaging, maar hulle het op plekke darem deur waterstrome gery wat ’n bietjie lafenis gebring het. Die organiseerders was baie tevrede met die genotvolle dag en bedank al die ruiters vir hul deelname en die borge wat die dag moontlik gemaak het. Die ruiter op Iben, dié pragtige Arabierperd, is Bernice Groenewald van Modimolle. Ané Pretorius, lid van die Naboom-ruiterklub in Mookgophong, ken haar sit op ’n perd se rug. Sy het vanjaar vir die South African Equestrian Federation-span gekwalifiseer in die Western Mounted Games-afdeling. Sy was derde in haar ouderdomsgroep en is ook gekies om aan die Elite-internasionale byeenkoms deel te neem. Kranige jong rugbyspelers het die Bosveldson op Saterdag 6 November aangedurf tydens die rugbydag wat by Laerskool Nylstroom plaasgevind het. Hier klou Reint Malan verbete aan die rugbybal vas terwyl ’n gedugte opponent hom grond toe probeer bring. Jurgens Viljoen en Gian Kriel is by vir hulp. Daar was altesame 70 leerders van verskillende laerskole in die omgewing wat deelgeneem het. Die rugbydag is gehou ten bate van Kaylee Bezuidenhout van Modimolle wat dringend ’n operasie moet ondergaan om haar gespelte sagte verhemelte te heg. Kaylee se ma, Monika Cilliers, het die rugbydag gereël en sê dat hulle R5 200 ingesamel het. Op die inlasfoto is Kaylee (3) saam met haar ousus, Melissa (4). Foto: Gerrie Kriel You can read the full story on our App. Download it here. November 15, 2021 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print