Local sportSport
Frikkie Meyer-skuts skiet ’n kolhou
Agt leerders van Hoërskool Frikkie Meyer (HFM) het die afgelope naweek aan die Limpopo Suid-veldskietkompetisie by die Thabazimbi-boogskietklub deelgeneem.
Drie van die leerders het goud in hul onderskeie ouderdomsgroepe verwerf. Ameij Broekhuizen (gr.11), Maya Broekhuizen (gr. 9) en RF Furstenburg (gr. 11) het gewys dat kolskote hulle kos is.
Shanell Furstenburg (gr. 9), Aart Broekhuizen (gr. 8) en JJ Matthee (gr. 11) was ’n kortkop agter hulle en het silwer verwerf.
Meagan Shamrock (gr. 9) en Zander Coetzee (gr. 8) was die ander twee leerders wat die skool se naam hoog gehou het en brons verwerf het.
