Local sportSport
Kolhou!
Die vreugdesvure het die afgelope naweek by die Elebula Ope-gholftoernooi gebrand nadat Tanya Motk, bekende juwelier van Bela-Bela, ’n perfekte kolhou geslaan het.
Die toernooi het oor twee dae op die Zebula- en die Elements-gholfbane buite Bela-Bela plaasgevind.
Dit is die tweede amptelike toernooi van die Limpopo-gholfunie nadat beperkings op sportaktiwiteite vroeër verslap is. Altesame 92 gholfspelers van regoor Limpopo het aan die toernooi deelgeneem.
Die algehele manswenner was Jannie Bronkhorst van die Polokwane-gholfklub en die vroue-wenner was Mariette Weidemann van die Zebula-gholfklub.
