Local sportSport
Wanneer swaai die kolwe weer?
Die verbod op sportbeoefening word stelselmatig gelig en hoewel sportliefhebbers vanjaar meestal droëbek moes bly, lyk dit darem asof daar weer lig in die wapad is.
![](https://images.caxton.co.za/wp-content/uploads/sites/134/2020/06/krieket-1.jpg)
Nathi Mthetwa, minister van sport, kuns en kultuur, het in Junie in die Staatskoerant bekendgemaak dat sportsoorte soos boogskiet, atletiek, bofbal, pluimbal, kanovaart, fietsry, perdry, gholf, gimnastiek, seiljag, skyfskiet, tafeltennis, tennis, driekamp, vlugbal, hengel, skaak, krieket, rolbal, muurbal, jukskei en duiwewedvlugte weer beoefen mag word.
Wedstryde en byeenkomste moet egter deur die departement goedgekeur word.
Volgens Mark Stavrakis van die Strikers-krieketklub in Bela-Bela beoog hulle om veilig te speel en sal voorlopig eers in September met spanoefeninge en wedstryde begin.