Laerskool Thabazimbi het op Woensdag 26 Februarie aan die provinsiale atletiekkampioenskap in Polokwane deelgeneem en verskeie atlete het medaljes verower.
Dié Thabazimbi-atlete het almal medaljes verower. Voor staan Mica Rðhrs (o.10), Gawie Grobler (o.10) en HJ Koekemoer (o.12). Agter staan Johané Schutte (afrigter), Ja-Deon Swanepoel (o.11), Chanique van Niekerk (o.13), Waylen Swarts (o.12), Carli Fouché (o.12) en Milandi Visser (o.11).
Van hierdie atlete het ook gekwalifiseer om aan die Suid-Afrikaanse-atletiekkampioenskap deel te neem.
Hierdie atlete het gekwalifiseer om later vanjaar aan die Suid-Afrikaanse atletiekkampioenskap deel te neem. Voor staan Mica Röhrs (gewigstoot), Gawie Grobler (1 200 m) en HJ Koekemoer(150 m hekkies). Agter staan Johanné Schutte (afrigter), Waylen Swarts (100 m en 150 m) en Carli Fouché (skyfwerp).
Waylen Swarts het sy skool baie trots gemaak deur eerste plekke te behaal in die 100 m en 150 m-wedlope vir seuns o.12. Hy het boonop twee provinsiale rekords in sy onderskeie items opgestel.