Kolwe swaai in krieketliga
Die Waterberg-krieketliga se 50 boulbeurtliga is in volle swang met vier klubs wat deelneem.
Die Nylstroom-krieketklub, Limpopo Strikers (Bela-Bela), Vaalwater-krieketklub en Mahwelereng Vultures meet in die volgende twee maande kragte in dié ligawedstryde.
Die spanne van Nylstroom en Mahwelereng het op Sondag 2 Februarie kragte gemeet en Nylstroom het die wedstryd met 167 lopies gewen.
Die uitblinkers van die Nylstroom-krieketklub was Heinrich Brits, wat sewe paaltjies geneem het vir slegs 13 lopies, en Carl Hoonenberg wat 88 lopies aangeteken het.
“Hierdie naweek is dit weer ’n Nylstroom- en Warmbad-derby. Kom geniet die dag saam met ons op Settlers. Die Nylstroom-krieketklub is ’n lekker sosiale krieketklub vir oud en jonk. Enigiemand is welkom om aan te sluit,” het Paul Els van die klub gesê.
Vir meer inligting skakel tel. 072 661 3726.