Die Warmbad-marathonklub het op Donderdagaand 21 November hul jaarafsluiting aangebied en lede tydens dié geselligheid vir hul prestasies vereer.
Stephen Coetser (links) is as topondersteuner van die jaar aangewys. Saam met hom is Neels Venter, klubvoorsitter, en Carel Coetzee, eienaar van Bela-Bela SuperSpar en borg.
Die klub het vanjaar sy 30ste bestaansjaar gevier.
Die spanprestasietoekenning het gegaan aan Tjaart (snr.), Minnie en Tjaart (jnr.) Oosthuizen, wat vanjaar as span aan die Comrades-marathon deelgeneem het. Tjaart snr. en Minnie het ook ’n prestasietoekenning ontvang omdat hulle vanjaar hul tiende Comrades-marathon voltooi het. Op die foto is Neels Venter (klubvoorsitter), Carel Coetzee (borg), Tjaart (jnr.), Minnie, en Tjaart (snr.) Oosthuizen.
Alice Coetser (regs) was die eerste vroulike klublid oor die eindstreep tydens vanjaar se Comrades-marathon. Sy het die wedloop in 09:06:10 voltooi. Saam met haar op die foto is Neels Venter (klubvoorsitter) en Carel Coetzee (borg).
