Local sportSport
5150-Iron Man- kompetisie hiér
Bela-Bela-inwoners en besoekers kan solank hul naweek beplan vir wanneer die Standard Bank 5150 driekampkampioenskap op Saterdag 17 Augustus by Forever Resorts plaasvind.
![](https://images.caxton.co.za/wp-content/uploads/sites/134/2019/08/ironman.jpg)
Atlete skop af met die 1,5 km swem wat in die oord se ski-dam sal plaasvind.
Die skof word gevolg deur ’n uitmerge-lende 40 km-fietsren vanuit die dorp op die Alma-pad en weer terug.
In die laaste skof word die fietse verruil vir hardloopskoene en dan pak hulle die 10 km-wedloop aan wat binne die oord se terrein sal plaasvind.
Inwoners en besoekers word gemaan om versigtig te bestuur en bedag te wees op moontlike vertragings in Chris Haniweg, Luna-, Hospitaal-, Moffat-, Grobler- en Robertsonstraat.
Die geleentheid lok jaarliks honderde besoekers wat van oraloor die Bosveld-gasvryheid kom ervaar.
Inwoners word genooi om toeskouers van dié geleentheid te wees en te deel in die pret van goeie sportmangees.