MC Vorster van Laerskool Warmbad se o.8-bulletjierugbyspan mik vir die doellyn tydens verlede Saterdag se bulletjierugbydag. Dié span was veral gemotiveer om te wen, want die wedstryd is opgedra aan Roger Trosello (8), ’n spanmaat wat die vorige week in ’n motorongeluk gesterf het. Die jong bulletjies het hulle harte uitgespeel ter ere van Roger.
Afrigters, ouers, onderwysers en spanmaats het die spanne aangemoedig om hul heel beste te lewer.
Dié dag het ook baie pret opgelewer. Altesame 10 skole het aan die dag deelgeneem.
Die o.6-netbalmeisies van Laerskool Warmbad het teen Laerskool Julian Muller gespeel en hoewel dit vir sommige spelers die eerste keer op die baan was, het hulle ’n verbete stryd gehad. Op die foto probeer ’n Julian Muller-speler die bal by haar spanmaats kry, maar die klein Warries se verdediging was kookwater.