Klubrugby is vanjaar wêreldwyd swaar deur die Covid-19-maatreëls getref. Professionele rugby, soos die Super 14-reeks, het reeds afgeskop, maar geen toeskouers mag tans wedstryde bywoon nie. Daar is egter goeie nuus op die horison vir amateurrugby nadat die rugby-unies aangedui het dat spanaktiwiteite eersdaags weer kan hervat. Spanbestuurders belê tans vergaderings om die 2021-rugbyseisoen te bespreek. Op die foto duik Hermann Lange, kaptein van die Nylstroom- rugbyspan, ’n speler van die Naka Blou Bulle van Pretoria grond toe tydens ’n wedstryd vroeër vanjaar in Modimolle.
Agter Lange is Francois Weyers, ook van Nylstroom. Foto: Herman Steyn
Angelic Louw en Chere van Zyl van Wandi’s Dance Studio in Bela-Bela het nie tydens die grendeltydperk toegelaat dat hul passie vir dans gestuit word nie. Die twee het op Saterdag 17 Oktober ’n aanlyndanskursus van die bekende Danslyn in Pretoria voltooi. Die kwalifikasie sal hulle in staat stel om in aanmerking te kom vir musiekvideoproduksies en om werk vir televisieproduksiemaatskappye te doen. Op die foto is Angelic en Chere tydens die kursus.
You can read the full story on our App. Download it here.
