Hannes van Heerden, Settlers-veteraantrekkerklub, skryf:
Ons bedank die meer as 400 mense wat die genotvolle en suksesvolle opedag op Saterdag 14 Maart saam met ons deurgebring het.
Onder hulle was ons gereelde borge en donateurs (meestal ondernemings in Settlers, Modimolle en Bela-Bela), die veterane se vroue en families en ’n plaaslike kerkgemeente wat stalletjies met heerlike eetgoed aan die besoekers verkoop het, veteraanmotoreienaars, lede van die Hoëveld-trekker- en enjinklub (HVTEK) en besoekers van heinde en ver.
Ons bedank ook die Pos-koerant hartlik vir hul insiggewende artikels en die plasing van ons inligting op hul Facebook-bladsy. Video’s en foto’s is ook op die koerant se Facebook-blad beskikbaar.
