TJ Day, Bela-Bela, skryf:
Ek wil graag ’n pluimpie aan Paul Liddle, die onderwysers en beheerligaam van Hoërskool Warmbad gee.
Ná die president se toespraak Sondagaand het almal regop gesit oor die skole wat moet sluit. Ons het die Maandagoggend by opening gehoor die gevat, soentjies en drukkies moet vir eers gestaak word, maar die hoof het ook verduidelik dat ons werk nie gaan agterbly nie en dat ons op Google Classroom gaan werk.
Dit was vir ons almal vreemd en ons het selfoonnommers gedeel en gewonder wat dit alles inhou. Dit was geen normale dag by die skool nie!
Agter daardie toe deure het die rook getrek soos alles vir ons leerders uitgepluis is. Mnr. Liddle het ons later die dag weer toegespreek en vertel dat die skool die volgende dag sluit.
Daar het ons die nuus gekry van ons eie nuwe gmail-adresse waarop die onderwysers voortaan ons werk gaan laai.
Almal betrokke kan ’n veer in hul hoed steek. So baie is in een dag vermag. ’n Virus gaan ons Warrie Wolwe nie onderkry nie.
Dankie mnr. Liddle, onderwysers, beheerligaam en BelaNet vir die reëlings met Google Classroom.
Julle by Die Pos moet ook veilig wees.
