Vonnie Slabbert, Mookgophong, skryf:
Ek het briewe aan verskeie supermarkte in Mookgophong gestuur oor hul buitensporige prysverhogings.
My klagtes val skynbaar op dowe ore. Ek pleit by winkels om ons pensioentrekkers tegemoet te kom met die aankoop van kruideniersware.
Ons arm oues van dae het geen ander opsie as om by sekere winkels te koop nie. Dit is algemeen bekend dat die pryse gedurende skoolvakansies styg tot nadeel van inwoners.
By een van die supermarkte het die prys van 700 ml tamatiesous in Oktober drasties verhoog tot R30,50. Bejaardes kan nie meer byhou nie.
Ek, as pensioentrekker wat sukkel om kop bo water te hou, vra dat winkels ons asseblief help. Kyk na ons behoeftes en maak dit vir ons die moeite werd om by supermarkte te koop. Dit kan gedoen word deur iets soos ’n pensioenarisdag. (Brief verkort – Red.)
