Gawie Richter, Modimolle, skryf:
Die Nasionale Energie Reguleerder is glo tans besig met die ondersoek en opstel van regulasies oor die gebruik van sonpanele en kragopwekkers.
Dit sal interessant wees om te weet wat agter die kap van die byl skuil?
’n Mens kan eintlik nie dink aan iets wat nog nie belas is om die staat se wiele aan die rol te hou nie. Vars lug en lig is seker die volgende op die agenda.
Indien sonpanele en kragopwekkers belas sou word, is my vraag: is kerse, lampe en koolstowe ook op die lys?
Kragopwekkers op wiele en kruiwaens sal seker voortaan geregistreer en van nommerplate voorsien moet word.