Frances de Jonge en Lehlogonolo Mokwena, 2022-hoofmeisie en -seun, is vereer met die wisseltrofeë vir leierskap. Die Warries het begin met ’n nuwe tradisie om met hierdie trofeë die leisels van een hoofseun en -meisie na die volgende oor te dra.
Die Warries spog met akademiese slimkoppe en die skool se sportleerders het ook nie teleurgestel nie.
Van die leerders het op nasionale- én internasionale vlak deelgeneem en goed presteer.
Marijke Vosloo is aangewys as die Dux-leerder. Sy het uitstekend gevaar in Afrikaanse Huistaal, Engels Eerste Addisionele Taal, lewensoriëntering, lewenswetenskap, rekeningkunde, wiskunde en musiek. Die gesogte burgemeesterstrofee is aan haar oorhandig.Frances de Jonge en Megan Prinsloo het saam die wisseltrofee vir hokkie ontvang. Albei was kapteine in hul onderskeie spanne, is gekies vir die Noordvaal-toernooi en was deel van die Egipte-toer waar hulle op internasionale vlak meegeding het. Frances het verder toppunte behaal in Afrikaans Huistaal en rekenaartoepassingstegnologie.
