Dan kon jy ’n wenner by die Frikkies se musiekkompetisie gewees het.
Hoërskool Frikkie Meyer het die afgelope naweek die musiekkennis van hul leerders en ouers op die proef gestel tydens ’n opwindende noot-vir-nootkompetisie. Die skoolsaal se dak het met tye gelig met die spontane samesang.
Getrou aan die Frikkie-gees het ’n groot groep ondersteuners van die skool hul stembande opgewarm, hul vingers op die knoppies gehou en hul ore ingespan om as dié musiek-foendies van dié skool se eerste musiekvasvra gekroon te word.
Verskeie spanne het tydens die opwindende spel hul kennis van musiek uit die tagtigerjare en bekende kenwysies getoets. Hulle kennis oor gewilde sangers is ook gemeet.
Dié genotvolle aand het die skool se koffers aangevul en gaste het gesê dit moet beslis ’n jaarlikse instelling word.
