Die jaarlikse Limpopo-onderwysdepartement se toptienmatriektoekennings van die Bela-Bela-kring is op Donderdag 1 April by die ATKV Klein Kariba-vakansieoord gehou. Die Waterberg se 2020-matriekuitslae was die beste in die provinsie. Die Bela-Bela-munisipaliteit het met twee intansies hande gevat om R100 000 beskikbaar te stel vir die toptien leerders. Elke topkandidaat is met R10 000 beloon wat tot hul universiteitsfooie vir 2021 sal bydra. Op die foto ontvang een van die toptienleerders, Anri du Preez (middel) van Hoërskool Warmbad, haar toekenning. Saam met haar op die foto is David Raborolo, Sinah Seale, Meshack Kekana (#100kids to Varsity) en Pamela Pege (Maxprof).
Die Euphorbia Christelik Onafhanklike Skool in Mookgophong het op Maandag 29 Maart hul interne redenaarskompetisie gehou. ’n Hele paar leerders het deurgedring na die ATKV-kompetisie. Voor is Willem Botha, Luan Venter en Chloé Viljoen. In die middel is Khloé Potgieter, Mia Botha en Stiaan Pretorius en agter hulle staan AJ van Jaarsveld, Chané Loots en Jessica Potgieter.
