Angelic Louw het tydens haar gr.11-jaar die beste in Engels Eerste Addisionele Taal, geskiedenis, geografie, wiskunde en lewenswetenskappe gevaar. Haar ge-
middeld was 87,4% wat haar weer eens ’n erekleure-toekenning besorg het.
Die leerders het hulself, ondanks ’n ontwrigte akademiese jaar, buitengewoon goed van hul taak gekwyt en bewys dat Hoërskool Warmbad se akademie nog altyd baie belangrik is.
Marijke Vosloo, wat haar gr.10-jaar in 2020 voltooi het, het puik presteer in Engels Eerste Addisionele Taal, wiskunde, fisiese wetenskap, lewenswetenskap en lewensoriëntering. Haar gemiddeld was 90,6% wat beteken dat sy welverdiende erekleure verwerf het.
Christiaan Jooste, gr.9-leerder, het sy 2020 akademiese jaar afgesluit as die beste vakleerder in Engels Eerste Addisionele Taal, natuurwetenskap, sosiale wetenskap en lewensoriëntering. Sy gemiddeld was 93,1% wat ook erekleure beteken.
Kaylee Brent-Meek het in 2020 in gr.8 die beste punte in haar graad behaal in Afrikaans Huistaal, natuurwetenskap, tegnologie en lewensoriëntering. Haar gemiddeld was 86%.
