Elizabeth Smit is vereer as ’n leerder wie se optrede deur die jaar getuig het van wellewendheid. Sy is ook beskryf as ’n jongmens na wie met trots verwys kan word as ’n pronkuitgawe van die jeug. Altus du Plessis, wat op sport, akademiese en kulturele gebiede presteer het, is aangewys as Nylie van die Jaar. Pieter van Heerden is met die personeeltoekenning vereer. Dié toekenning word gegee aan ’n gr. 7-leerder wat fluks en hulpvaardig is, bereid is om te help en ten alle tye ’n voorbeeld vir ander is.
Tiaan Steffen is aangewys as senior sportseun, Altus du Plessis as senior kultuurseun en Elandi van Staden as senior sportmeisie van Laerskool Nylstroom.
Dié vier leerders van Laerskool Nylstroom gaan aanstaande jaar die voortou by die skool neem. Wihan Bezuidenhout is onderhoofseun, Jannes van Zyl hoofseun, Marli Broodryk hoofmeisie en Isabella van Niekerk die onderhoofmeisie. By hulle staan Roelf Vorster, waarnemende hoof.
Laerskool Nylstroom se Dux-leerders is Erlu Fourie (gr. 5) en agter Suné de Jager (gr. 4), Altus du Plessis (gr. 7) en Isabella van Niekerk (gr. 6).
Paul du Plessis is aangewys as Laerskool Nylstroom se junior sport- en kultuurseun. Kayla van der Merwe is die junior sportmeisie.
At Caxton, we employ humans to generate daily fresh news, not AI intervention. Happy reading!
You can read the full story on our App. Download it here.
