Local news
Tannie Mara blaas 100 kersies dood
Tannie Mara du Preez van Die Oog-aftreelandgoed in Mookgophong se sorgsentrum het op Maandag, 29 Januarie, haar 100ste verjaarsdag gevier!
![](https://images.caxton.co.za/wp-content/uploads/sites/134/2024/02/Tannie-Mara-100-jaar.jpg)
In haar professionele lewe was sy in Middelburg en Witbank ‘n geliefde musiekonderwyser.
Met ’n lisensiaat in klavier en sang het sy talle skoolkore afgerig. “Tanna” (soos sy bekend was) het ook menige kinders in viool, klavier en sang onderrig.
Haar dogter, Magda, wat ook by Die Oog woon, sê dat hulle as familie verheug en dankbaar is oor die lang en vol lewe wat tannie Mara gelei het.
“Dit is egter vir ons hartseer om te sien dat haar gesondheid daagliks verswak, maar op 100 jaar is dit te verwagte,” het Magda gesê.