Karel Niewoudt (79) lê ná 20 jaar die graaf, spitvurk, besem en verfkwas neer as koster by die Gereformeerde Kerk Waterberg- en Nylstroom-gemeentes. Die kerkterrein se onderhoud was vir Niewoudt ’n liefdesdiens en die terrein was altyd regdeur die jaar netjies en goed versorg. Niewoudt, wat saam met sy, vrou, Trienie by die kerk se meenthuise woon, sal hom nou besig hou met sy eie tuin, houtwerk en agterstallige kuiers. Daar wag ook dalk ’n besoek aan hul kinders in Australië. Die kerkraad en gemeente het hul dalk uitgespreek vir sy mooi gesindheid en harde werk.