Die Springbokvlakte en groter Waterberg-omgewing is besonder trots op Rikus Pretorius, Nylie- toppresteerder en hoofseun van 2016. Rikus het op Vrydag 21 April sy Baccalaureus in Geneeskunde en sy Baccalaureus in Snykunde (MBChB) met onderskeiding aan die Universiteit van Pretoria (UP) verwerf. Hy bevind hom vir die volgende twee jaar by die staatshospitaal in Gqeberha (Port Elizabeth) waar hy sy internskap doen. By hom staan sy trotse ouers, Christo en Jolanda Pretorius.
Nie net is die parkie in Boshoffstraat in Modimolle nou netjies nie, dit is ook veiliger. Danksy vrywilligers is daar ’n splinternuwe hek geïnstalleer wat keer dat voertuie ry waar die kinders speel. Dit sal ook help dat mense wat voorheen in die parkie geparkeer en gekuier het, nie hul glasbottels en ander vullis in die parkie rondstrooi nie. Daar is ook spreiligte geïnstalleer om die omgewing snags te verlig. Die span van Aksie Opknap, Steven Rabie van Steven’s Matte, Derrick Rabie, Jurie van der Merwe van Limpopo Lawnmowers, Jaco Vermaak van Ehlers Elektries, Pieter Snyman en talle ander helpers en skenkers het hierdie opgradering moontlik gemaak. Hier is Steven Rabie saam met Jurie en Jayden van der Merwe by die nuwe hek.
You can read the full story on our App. Download it here.
