Die lede van die VLU se Sonskyn-aandtak in Bela-Bela het op Maandag 27 Maart by Rina Laidlaw van die Jisreël Kwekery en die Rustic Pumpkin-restaurant byeengekom. Die vroue is toegespreek oor die waarde van laventel in hul tuine. Hier bedank Marinda White (voorsitter) vir Laidlaw. Die volgende vergadering van dié tak is op Woensdag 17 Mei in die swembadsaal van die TuinTuiste-aftreeoord. Vir inligting bel vir Miemie Landsberg by tel. 082 564 3370.
Die AfriForum Warmbad-tak het net voor Paasnaweek volgehou om Bela-Bela se aansig te verbeter. Die span en ’n groep vrywilligers het die Reitzstraatpark se vullis opgeruim en die gras gesny. Piet Botha, AfriForum-takvoorsitter, sê die toestand van die park wys dat die munisipaliteit sy plig versuim met die instandhouding van parke. Inwoners stort hul huishoudelike vullis onwettig daar. Dit is onooglik en hou ook ’n gesondheidsgevaar in. “Ons wil hê die dorp moet beter lyk en probeer hard om ’n verskil te maak. As die munisipaliteit dit nie doen, sal ons self moet inspring,” sê Botha.