Familie en vriende van Willie van der Merwe, ’n jarelange inwoner van Modimolle, het tydens sy gedenkdiens op die dorp van hom afskeid geneem. Hy is op Saterdag 21 Januarie oorlede ná ’n jarelange stryd teen keelkanker. Van der Merwe het vir Transnet gewerk en was 20 jaar lank die eienaar van die troeteldierwinkel in die dorp voordat hy en sy vrou, Amanda, Johannesburg en daarna Suidkus toe verhuis het. Sy pa, Willem van der Merwe (99), is in Bela-Bela in die ouetehuis en sy broer, Hennie van der Merwe en sy gesin, woon in Modimolle. Van der Merwe laat sy vrou, Amanda, en sy dogters, Nicolene Korff, Yolandie van Staden, Michelle Meyer, Michelle van Wyk en Bianca Gouws agter.
Die Bela-Bela-munisipaliteit het onlangs verskeie strate se ver- keerstekens by kruisings en stopstrate geverf. Inwoners vra egter hoekom word die slaggate wat in bykans alle strate in die dorp voorkom, nie liefs herstel nie. Jeedee Cloete, VF Plus-raadslid, het tydens ’n onlangse gemeenskapvergade- ring in Bela-Bela gesê die Suid- Afrikaanse padagentskap (Sanral) het reeds ’n padopgraderingsprojek vir die dorp geregistreer. Hy het gesê Sanral het op ’n vergadering onderneem om onder meer Luna- straat, wat al jare lank haglik lyk, te herstel. Foto: Andries van der Heyde