Local news
VLU-vroue vir oulaas saam
Die Vroue Landbou-unie (VLU) Noord se Soetdoringstreek het op Woensdag 2 November hul laaste streeksvergadering vir die jaar in Modimolle gehou.
Al 10 takke van die streek was verteenwoordig en 55 vroue het saam gekuier. Die takke is almal tans besig met hul beplanning vir 2023.
“Ons is opgewonde en slaggereed om nuwe uitdagings aan te pak en vaardighede aan te leer,” het Hanell Theron, skakelbeampte van die Soetdoringstreek, gesê.
Die VLU Aandster-tak van Mokopane het gesorg vir heerlike koffie en beskuit voor die aanvang van die vergadering.
Nuwe lede wat wil aansluit, kan Theron bel by tel. 072 531 9242.
