Lede en personeel van die Kromdraai-kliniekkomitee het, in samewerking met die plaaslike gemeenskapspolisië-ringsforum (GPF), Rooiberg-polisie en maatskaplike dienste ’n kinderbeskerming-bewusmakingveldtog by Laerskool Leeupoort aange-bied. Die kinders is tydens die besoek ingelig oor hul regte en het inligting gekry oor wie hulle om hulp kan vra wanneer hul veiligheid bedreig word. Die lede het geskenkpakkies, lekkernye en kospakkies aan die leerders uitgedeel. Die GPF het verder sokker- en netbalballe aan die skool geskenk. Hier is die huidige Kromdraai-GPF-lede.
Die Pos het die nuwe redakteur van dié koerant op Donderdag 1 September amptelik in Bela-Bela welkom geheet. Charmaine Lourens (middel) het die leisels oorgeneem as redakteur van dié koerant wat al meer as een keer as die beste gemeenskapskoerant in die land aangewys is. Op die foto is sy saam met Keina Swart en Bea Emslie, wat die koerant die afgelope 25 jaar saam bestuur het. Keina en Bea is steeds aandeelhouers in die koerant. Inwoners en lesers word genooi om vir Charmaine te kom ontmoet en haar te skakel oor nuusgebeure in die omgewing.