Local newsNews
Só bly die Vories voel-voel op koers
Die Ysterberg Voortrekkerkommando het die nuwe kwartaal op ’n glibberige noot met ’n interessante speletjiesdag begin.
![](https://images.caxton.co.za/wp-content/uploads/sites/134/2022/04/THABA-Hou-koers-2-12-780x470.jpg)
Die Penkoppe, Drawwertjies en Verkenners het die kwartaal oudergewoonte ingelei met ’n tradisionele vlagseremonie, maar die hoogtepunt van hul eerste byeenkoms was beslis die sensoriese baan waarop die kinders gespeel het.
![](https://images.caxton.co.za/wp-content/uploads/sites/134/2022/04/THABA-Hou-koers-1-12-470x800.jpg)
Om geblinddoek deur ’n baan van glibberige, grillerige en growwe voorwerpe te loop, kan vir groot konsternasie en natuurlik ook hope pret sorg.
Dié kommando se kinders het ook gedurende die skoolvakansie die gewilde Jakaranda-kamp bygewoon waar hulle aan verskeie kursusse en aktiwiteite deelgeneem het.
![](https://images.caxton.co.za/wp-content/uploads/sites/134/2022/04/THABA-Hou-koers3-9-551x800.jpg)