Local newsNews
VLU Soetdoring-streek kies nuwe bestuur
Die Vroue Landbou-unie se Soetdoring-streek het tydens hul jaarlikse konferensie op Saterdag 12 Maart in Settlers hul nuwe bestuur verkies.
Retha Oosthuizen van die Olien-tak in Modimolle is die nuwe voorsitter.
Riki Lourens van die Aandster-tak is die nuwe sekretaris en Elsabé Koelewyn van die Olien-tak sal voortaan die beoordelaars se sameroeper wees.
Marie Raath van die Settlers-tak sal die finansies bestuur en Hanell Theron van die Potgietersrus-tak in Mokopane is die skakelpersoon van die Soetdoring-streek.
Die ander lede wat verkies is, is Delia Bogaards van die Nylstroom-tak vir Boekenhout-visie en Sonja Weideman van Settlers-tak vir die Maroela-visie.
Die bestuur is opgewonde oor die projekte wat vanjaar aangebied sal word onder die tema: Vernuwing.