Local newsNews
Voortrekkers se bokshuise, bravade en baie pret by Koedoeskop
Stel jou dit voor: ’n Boskamp onder die Bosveld se sterreprag in ’n laer van kreatiewe boks-gehuggies wat skuiling moet bied teen die elemente.
![](https://images.caxton.co.za/wp-content/uploads/sites/134/2022/03/THABA-Bokshuise5-2-780x470.jpg)
Dít is hoe die Ysterberg Voortrekkerkommando op Saterdag 26 Februarie die naweek verwyl het.
Voortrekkers het hul skuilings op die rugbyveld van Laerskool Koedoeskop gebou.
Aan kreatiwiteit het daar niks ontbreek nie en soos hul voorsate, het hulle gewys ’n boer maak ’n plan.
![](https://images.caxton.co.za/wp-content/uploads/sites/134/2022/03/THABA-Bokshuise2-10-800x525.jpg)
![](https://images.caxton.co.za/wp-content/uploads/sites/134/2022/03/THABA-bokshuise3-9-800x778.jpg)
![](https://images.caxton.co.za/wp-content/uploads/sites/134/2022/03/THABA-Bokshuise1-11-483x800.jpg)
Dié deurnagkamp word jaarliks gehou om die kommando die geleentheid te gee om hul eie skeilings te bou en ook om vriende buite die Voortrekker-beweging te nooi om deel van die prettige ondervinding te wees.
Die Ysterberg-kommando het vanjaar al meer as een byeenkoms gereël waar die gemeenskap kon meedoen in die viering van hul kultuurhistoriese erfenis.
Hou gerus hul program dop en deel in die vreugde.