Die Pos se redaksielede hou daarvan om af en toe so ’n bietjie deur ou koerante te blaai. Dié foto is ’n getuienis van die pragtige tabaklandery waarmee die Waterberg destyds gespog het. Die foto het in ons uitgawe van 12 Maart 1993 (28 jaar gelede) verskyn met die onderskrif: Mnr. Pieter Vorster, boer wat die tabak gekweek het, mnr. Chris Barnard van die navorsingsinstituut en mnr. Shap Lindhout van Vaalwater Besproeiing.
Juan Kruger, kleinseun van Johann en Isabel Kruger, bekende inwoners van Bela-Bela, is op Sondag 7 Maart deur ds. Willie Potgieter (op die foto) in die NG Warmbad-Wes-gemeente gedoop. Juan se ouers, Ludwig en Zanelle Kruger, woon in Hartbeespoort. Juan se ander grootouers, wat ook die doopplegtigheid bygewoon het, is bekende boere in die Mookgophong-omgewing, Dawie en Hermien Kotzé. Foto: Herman Steyn
