Home/News/Local news/Geite en giere… Local newsNews Geite en giere… Wat gebeur in- en om die Waterberg? December 7, 2020 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Inwoners van TuinTuiste-aftreeoord in Bela-Bela is bevoorreg om in ’n omgewing te woon waar daar baie bome is. Inwoners is gesteld op hul tuine wat baie insekte en voëls lok. Daar kom ook besonder baie bloukopkoggelmanders voor en die diertjies word dikwels doodgery wanneer hulle die strate in die oord oorsteek. Die bestuur van TuinTuiste het nou waarskuwingsborde aangebring om motorryers bedag te maak op die teenwoordigheid van koggelmanders wat in die son bak. Die wyfie-koggelmanders het nie die kenmerkende blou kop nie en word dikwels nie raakgesien nie. Die Bosveld spog met van die mooiste voëlspesies. Op die foto is ’n swartkeelgeelvink druk besig om nuwe bouplanne uit te voer aan die nes wat hy naarstigtelik gebou het om sy “vroutjie” gelukkig te hou. Dié voëlsoort kom gereeld in tuine in die Bosveld voor. Die foto is in ’n Bela-Bela-dorpstuin geneem. Foto: Herman Steyn Dié gelukkige paartjie wat op Saterdag 28 November in Bela-Bela in die huwelik bevestig is, is Surine Janse van Vuuren en DJ Roux. Surine is ’n oud-Warrie en die dogter van Paul en Cathryn Jansen van Vuuren, bekende inwoners van die dorp. DJ is ’n jong boer van die Roedtan-omgewing en was in Hoërskool Hans Strijdom op skool. Die jong egpaar vestig hulle op die Koro Creek-gholflandgoed buite Modimolle. Foto: Twin Productions. Die Waterberg is lowergroen nadat goeie buie reën die afgelope twee weke oor groot dele van Die Pos se lesersgebied uitgesak het. Dié foto is op Maandag 30 November in Bela-Bela naby die munisipale kantoor geneem toe daar laatmiddag weer ’n harde bui reën geval het. Voertuie het teen slakkepas deur die afvoerwater in die straat gery. Foto: Herman Steyn Al voel die toerismebedryf nog die nagevolge van die Covid-19-pandemie, verdien die organiseerders van die Hankook Land Cruiserfees, wat die afgelope naweek by die Sondela-natuurreservaat buite Bela-Bela aangebied is, ’n klop op die skouer. Land Cruiser-eienaars van regoor die land daag jaarliks by die fees op om die bestaande Afrika-rekord van 523 Land Cruisers op een plek te probeer verbeter. Dit was egter nie vanjaar die geval nie. Daar het vanjaar 286 Land Cruisers aan die optog deelgeneem. Dit was vir die feesgangers ’n welkome wegbreek en hulle het die Bosveld terdeë geniet. Op die foto is ’n hele aantal klassieke Toyota Cruisers wat by die fees vertoon is. At Caxton, we employ humans to generate daily fresh news, not AI intervention. Happy reading! You can read the full story on our App. Download it here. December 7, 2020 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print