Local newsNews
VLU-tak hou stylvol konferensie
Lede van die VLU se Soetdoringstreek het op Saterdag 14 Maart hul 19de konferensie in styl by die Weesgerus-vakansieoord buite Modimolle aangebied.
Die gasvroutak, Nylstroom, vier vanjaar hul 70ste bestaansjaar en vandaar die tema: 70 en steeds klassiek.
Die vroue van 10 takke in die Soetdoringstreek het op verskeie terreine soos gebak, preservering en lekkers, masjienwerk, breiwerk, hekelwerk, borduurwerk, handvlyt, blommerangskikking, tuinbou, skryfkuns, kuns en fotografie meegeding.
Gerrie Jordaan, die genooide spreker by die geleentheid, het die vroue se emosionele tenks weer volgemaak met haar onderwerp: Koester en bewaar. Daar is soos altyd aan keurige verversings gesmul.
