Inwoners fiks en viets ná fiksheidskompetisie

Han­na Pis­to­rius en Vernon Julyan het — on­be­kend aan me­kaar — vir die USN Body Makeover Challenge ingeskryf en is albei as een van die tien mans- en vroue fi­na­lis­te ge­kies.

Pis­to­rius, ’n enkel­ma, ver­tel dat sy haar ingesteldheid weer wou po­si­tief kry en be­sluit het om dié uit­da­ging aan te pak en aan haar­self te be­wys dat sy dit kan doen. “Ek het be­gin oefen en reg eet. Ek bly op ’n plaas en het by die huis be­gin oefen met ge­wig­te, ’n oefen­bal en -mat en gaan draf. Ek kon nie ’n gim­nasium of dieët­kun­di­ge be­kos­tig nie en het dit so op my eie aan­ge­pak,” het sy ver­tel. Die uit­da­ging be­hels dat deel­ne­mers ’n voor­af­fo­to in­stuur en hul mates verskaf.

Hul­le vol­tooi dan ’n 12 we­ke kur­sus waar­na hul­le weer ’n fo­to en mates in­stuur.

Pis­to­rius het die uit­da­ging twee keer aan­gepak. Haar eers­te po­ging is on­der­breek na­dat sy ’n groot ope­ra­sie ondergaan het en nie kon oefen nie. Sy het egter so gou as wat sy kon, weer begin oefen en weer in­ge­skryf. Haar raad aan ander vroue is om hul­self uit te daag. “’n Mens kan be­sluit dat ’n nu­we be­gin nóú is. Moe­nie dat an­der men­se jou ver­tel wat jy kan of nie kan doen nie,” het sy ge­sê.

Ju­lyan het ge­sê dat hy by Obies Boxing and Fitness Academy met die boksoefen­klas­se begin het. “Dit het my ge­help om die wiel aan die rol te sit. Ek hou van uit­da­gings en het be­sluit om op die in­ter­net te gaan soek vir ’n uitdaging en het op dié kom­pe­ti­sie af­ge­kom. Ek het ver­le­de Augus­tus be­gin en dit was net wat ek no­dig ge­had het om my ge­sond­heid te ver­be­ter. Ek wou aan my myself bewys dat jy uitkry wat jy insit,” het hy ge­sê.

Julyan het elke og­gend ge­trou om 03:30 vir sy boks­oefe­ninge aan­ge­meld. Hy sê dat die mo­ti­ve­ring van die men­se om jou baie be­lang­rik is. “My vrou was my groot­ste mo­ti­ve­ring.” Reg oefen en reg eet het die deur­slag ge­gee en hy het 10 kg af­ge­skud.

Die fi­na­lis­te in die kom­pe­ti­sie se fo­to’s is op die Facebookbladsy USN Body Makeover ge­plaas waar die pu­bliek die vor­de­ring wat hul­le in 12 we­ke ge­maak het kan sien en vir hul guns­te­ling kan stem. Die prys­geld be­loop R10 000, asook R15 000 pro­duk­borg­skap­pe.