Local newsNews
Brandverbod uiteindelik opgehef
Die algemene verbod op die maak van oop vure is op Dinsdag 1 Januarie opgehef nadat deurdringende reën in die Bela-Bela-omgewing uitgesak het.
![](https://images.caxton.co.za/wp-content/uploads/sites/134/2019/01/brandverbod.jpg)
Arnaud le Roux van die Bela-Bela brandbeskermingsvereniging het gesê boere en grondeienaars kan nou beheerde blokbrande maak om hul brandbane vir die komende brandseisoen voor te berei. Grondeienaars moet egter steeds ’n brandpermit vanaf die departement van landbou bekom om dit te mag doen, het hy gesê. Brandbane kan aangebring word deur hande-arbeid en chemiese- of meganiese maniere.
Le Roux het gesê alle inwoners moet steeds enige beheerde brande met die nodige voorsorg aanpak.
Vir navrae kan inwoners vir Le Roux bel by tel. 082 325 6578 of vir Mel Meyer by tel. 084 788 9291 of vir Chris Wagner by tel. 083 299 7487.