![](https://images.caxton.co.za/wp-content/uploads/sites/134/2020/10/5a-780x470.jpg)
Al vier mans in ’n maroenkleurige Nissan is op Woensdag 23 September in hegtenis geneem op aanklagte van die besit van ’n gesteelde voertuig.
Volgens AO James Findlay, woordvoerder van die Modimolle-polisie, is die voertuig waarin hulle gereis het in Yeoville, Johannesburg, gesteel.
Videomateriaal van kameras langs die roete het die voertuig uitgewys en die polisie en veiligheidsgroepe was op die uitkyk daarvoor. Volgens Findlay word die vier mans deur die Yeoville-polisie op nog aanklagte gesoek.
Verdere inligting was nie teen druktyd beskikbaar nie. Johan Mostert, ’n inwoner wat tydens die operasie verbygery het, het ’n foto geneem.
Hy het aan Die Pos gesê ’n polisiespan van Johannesburg was ook op die toneel en die verdagtes is vinnig aangekeer.