’n Onbekende hoeveelheid inbrekers het volgens AO James Findlay, woordvoerder van die polisie, deur die loop van Maandagnag 24 Augustus die winkel se kombuisvenster gebreek en die tralies oopgedwing.
“Die deur na die kluiskamer is ook oopgedwing en die verdagtes het met ’n onbekende hoeveelheid selfone gevlug,” het hy gesê.
Findlay het gesê dat diefstal van voertuie in naburige dorpe toegeneem het en dat hulle verwag dat die probleem kan oorvloei na Modimolle.
“Mense moenie snags hul voertuie in die straat laat nie, maar veilig agter ’n geslote hek parkeer,” het hy gewaarsku.
