![](https://images.caxton.co.za/wp-content/uploads/sites/134/2020/08/optog-freepik.jpg)
Volgens hul webtuiste het 3 094 mense reeds geregistreer.
Deelnemers moet binne 24 uur 5 530 km “om” Suid-Afrika aflê. Elke kilometer verteenwoordig een van die talle plaasaanvalle wat sedert 1990 gesinne en plaaswerkers se lewens geraak het.
TLU SA lê klem op die skerp styging in die brutaliteit wat sedert die begin van die jaar tydens plaasaanvalle en moorde opgemerk word.
Mense wat wil deelneem kan die skakel www.tlu.co.za/stap-teen-plaasaanvalle/ besoek en daar registreer.
Om op hoogte te bly van wie aan die virtuele optog deelneem, kan mense www.tlu.co.za/stap/ besoek. Die vordering van hoe ver elke deelnemer stap, sal op ’n virtuele kaart aangedui word.
TLU SA beklemtoon dat alle lewens saak maak en dat dié van boere en hul gesinne en die plaaswerkers ook beskerm moet word. Hul maak staat op mense se ondersteuning in hierdie veldtog.