![](https://images.caxton.co.za/wp-content/uploads/sites/134/2020/05/3c.jpg)
Brig. Motlafela Mojapelo, provinsiale polisiewoordvoerder, het in ’n verklaring gesê die drie verdagtes, Alemayenu Leta (42), Pieter Venter (28) en Amandul Biru (33) is deur die Modimolle-polisie in hegtenis geneem tydens ’n misdaadvoorkomingsoperasie.
Die drie het in hul voertuig op die vlug geslaan, maar is in die Bela-Bela-omgewing vasgetrek, het Mojapelo gesê.
Die drie het dieselfde dag in die Modimolle-landdroshof verskyn op aanklag van die besit van onwettige sigarette.
Die saak is uitgestel na Woensdag 27 Mei vir verdere ondersoek.
Die drie is steeds in aanhouding, het Mojapelo gesê.