Noah Murimo (36), Eunice Chiruvani (40) en Daniel Manyimo (30) is deur die polisie en lede van die Heritage Protection Group (HPG) in hegtenis geneem nadat Pretorius op Woensdag 9 Oktober by sy woning agter die padstal beroof is.
Een van die verdagtes het Pretorius glo onkant gevang in die woning. Volgens die polisie het Pretorius en een van die verdagtes oor ’n vuurwapen gestoei wat Pretorius uit sy wapenkluis gaan haal het om homself mee te verdedig.
Die verdagte het egter die wapen van Pretorius afgeneem en ’n skoot op hom gevuur, maar niemand is getref nie.
Twee gesteelde vuurwapens is teruggevind nadat die verdagtes aangekeer is.
Murimo was ’n tuinier en Chiruvani ’n huiswerker vir Pretorius en sy vrou, Hettie.
Die verdagtes verskyn op aanklagte van huisroof en die besit van vermoedelik gesteelde eiendom. Hulle is ook daarvan aangekla dat hulle onwettig in die land is. Albei is na verneem word Zimbabwiërs.
Die polisie het Pretorius ’n boete opgelê omdat hy werkers sonder geldige permitte in diens geneem het.
Die drie het tydens hul vorige hofverskyning op Donderdag 17 Oktober aangedui dat hulle regshulp verlang en die hof het hul aansoek daarvoor toegestaan.
Die verdagtes moet nog om borgtog aansoek doen en is steeds in aanhouding.
Die saak is uitgestel na Maandag 4 November vir verdere ondersoek.
- Die Pretorius-gesin bedank die polisie en HPG vir hul flink optrede wat tot die spoedige inhegtenisname gelei het. Hul is ook baie dankbaar vir die gemeenskap wat hulle ondersteun het.
