Wat braai jy?
In ’n onlangse studie wat deur StatsSA uitgereik is, verbruik Suid-Afrikaners tot tien keer meer hoendervleis as beesvleis.
Volgens die Suid-Afrikaanse Pluimvee Vereeniging verbruik die gemiddelde Suid-Afrikaner 37,3 kg hoender per jaar, dit is ’n gemiddeld van amper 150 kg hoender per gesin van vier, per jaar.
Hoendervleis is by uitstek die mees gewildste diere-proteïne wat in die land geëet word. Die naaste mededinger wat prys betref is varkvleis, wat die derde meeste verbruik word in die land, en met die wye godsdienstige sienings, wat beperkings op die gebruik van varkvleis daar stel, word daar nie verwag dat die situasie gou omgekeer sal word nie.
Volgens statistiek verbruik Suid-Afrikaners ’n totaal van 26,42 kg rooivleis per persoon per jaar, beesvleis (18,2 kg), varkvleis (5,2 kg), en skaap- en bokvleis (3,1 kg).
Plaaslik kos dit die verbruiker tans ’n gemiddeld van R69 p/kg hoender, beesvleis R103 p/kg (kookvleis), R127 p/kg (biefstuk), varkvleis R95 p/kg, en skaapvleis R172 p/kg*. Finansieel is dit net nie meer altyd moontlik vir almal om die braaivleis vure elke dag te laat brand nie.