Melienke Vermaak, jong ster-atleet van Bela-Bela, het tydens die eerste naweek van Augustus aan die Sentraal Gauteng atletiekorganisasie (CGA) se vriendskaplike virtuele gewigstootkompetisie deelgeneem. Deelnemers het elkeen ’n video of foto van hul beste afstand aan die organiseerders gestuur. Melienke het met ’n 2 kg-gewig 8,8 m gegooi wat haar persoonlike beste afstand was.
Die personeellede van die Pro Shop by die Zebula-natuurreservaat het op Dinsdag 4 Augustus ’n vriendskaplike toernooi op Zebula gespeel. Matthew Maguire, oud-Warrie wat sedert Maart sy vakleerlingskap deur die Professional Gholf Players Association (PGA) doen, het as wenner weggestap. Hy het ’n nettotelling van 71 ingepalm. Op die foto is Maguire na afloop van die kompetisie met sy trofee.