Samuel Mosima, ’n munisipale werker van die Modimolle-Mookgophong-munisipaliteit, is die afgelope week groot lof toegeswaai nadat hy eiehandig die sypaadjie oorkant Hoërskool Nylstroom op die R101-pad opgeruim het ná die Bosveld Interhoër-byeenkoms wat op Saterdag 29 Februarie gehou is. Dié deel van die sypaadjie was ’n seeroog nadat dit deurgeloop het onder besoekers se plastiekbottels, papiere en ander gemors. Mosima, wat ná 30 jaar in sy pos steeds passievol daaroor is, is aangewys as werker van die week, het Marlene van Staden, burgemeester gesê. By Mosima en Van Staden is Zibi die Volstruis, wat gebruik word om kinders te leer om op te ruim eerder as te mors. Dit is ’n inisiatief van Aksie Opknap.
Warmpatat: Dit gebeur net in die Bosveld dat ’n trop vee sonder brandmerke of oppasser in ’n woongebied rondloop op soek na ’n sappige groen graspol en koelte. Dié foto is op Maandag 9 Maart in Flamboyantstraat in Bela-Bela geneem. Hoewel inwoners meestal goedig glimlag oor beeste in die dorp, word daar al jare lank tevergeefs gekla oor rondlopervee wat veral saans ’n groot gevaar vir motorryers op die toegangsroetes na Bela-Bela inhou.
The Bela-Bela Municipality has extended their services to the Multipurpose Centre in Extension 6 in the Bela-Bela Township. Residents are now able to buy electricity, pay rates and taxes, rent or ask for related services at the centre. Daily office hours are from 07:30 to 16:00.
Die Nylstroom-tuinbouvereniging het reeds op twee geleenthede vanjaar byeengekom om kennis in te win oor die natuur en spesifiek tuine. Twee kundige sprekers, Pieter Botha, ’n veld- en vleilandekoloog, en Christa Rabie, natuurwetenskaplike, het die lede by Shangri La Country Hotel and Spa buite Modimolle toegespreek. Kennis is bekom oor bio-diversiteit, die belangrikheid van vleilande, asook oor verskillende soorte voëlspesies en hul rol in die natuur. Op die foto is Rabie saam met Venita Terblanche van die tuinbouvereniging.
