Die Japsnoetjies, Euphorbia Christelike onafhanklike skool se kleuterskool, het op Vrydag 24 Januarie hul jaarlikse atletiekdag gehou. Die jong leerders het op dié dag aan verskeie pret items soos platresies, sakresies, lepelloop, motorfietsresies en ’n abba-wedloop saam met hulle ouers deelgeneem. Op die foto is die ouers en hul kinders tydens die abba-wedloop.
AJ Oelofse vlieg deur die lug tydens die o.11-seuns se verspring-items. Hy is aangewys as die senior Victor Ludorum van Laerskool Vaalwater se interhuis-atletiekbyeenkoms. Thabiso Modimolla en Duhanique Bodenstein was die junior Victor en Victrix Ludorums.
Die jongspan is reg vir vanjaar se atletiekseisoen wat voorlê. Zehandri du Plessis en Almari Vreugdenburg, albei vanjaar in gr. 1, sê mekaar die stryd aan tydens die Waterbergskool vir CVO in Modimolle se eerste atletiekbyeenkoms van die jaar. Foto: Herman Steyn
