Elizza Frey, Hoërskool Nylstroom se hoofmeisie van 2016, het in Desember haar graad in B.Com Aktuariële Wetenskappe aan die Universiteit van Stellenbosch verwerf. Sy gaan vanjaar ’n honneursgraad in wiskundige statistiek aanpak.
Hoërskool Nylstroom het hul nuwe Nylies op Maandag 13 Januarie tydens ’n gr. 8-kamp op die skoolterrein verwelkom. Nie net het die nuwelinge die geleentheid gekry om mekaar, die skoolterrein en die skoollied te leer ken nie, maar hulle weet ook nou presies hoe taai molasse en meel is. Liliana Goncalves en Carli-Louise Jacobs het nie gedink hulle sal betyds skoon wees om die skooljaar op Woensdag 15 Januarie te begin nie.