Mense wat teen ’n rustiger pas oefening wil inkry, kan gerus by die jukskeiklub by Marula Oase op die Eersbewoond-pad buite Bela-Bela aansluit. Die klublede kom elke Dinsdag en Donderdag om 08:00 byeen en het genoeg skeie vir almal beskikbaar. Die eerste byeenkoms in die nuwe jaar is op Dinsdag 7 Januarie. Vir navrae bel vir Hans Wessels by tel. 082 498 6776, Koos van Greunen by tel. 079 417 4906 of vir Roedolph Botha tel. 082 550 5560. Op die foto is Basie en Drienie Herman, Botha en Wessels by die bane.
Zhaneardt Grahan van die Waterbergskool vir CVO in Modimolle het die laaste naweek in November aan die Limpopo-swemkampioenskap in Polokwane deelgeneem en algeheel sesde uit 105 seuns geëindig. Zhaneardt het vyf goue medaljes verower en vyf nuwe rekords opgestel. Hy het ook vier silwer en twee brons medaljes verower en was deel van drie aflosoorwinnings. Hy is as beste junior seunswemmer aangewys.