Home/Galleries/Community galleries/Geite en giere… Community galleriesGalleries Geite en giere… Wat gebeur in- en om die Waterberg? November 28, 2019 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Frank Heath, Die Pos se straatverkoper in Bela-Bela, het die afgelope maand gesorg dat dié koerant se verkoopsyfers ’n stewige hupstoot kry. Saam met hom op die foto is Anneline du Preez, die koerant se finansiële beampte wat ook in beheer is van die administrasie rondom koerantverkope. Die koerant se verspreidingspan poog voortdurend om dit vir inwoners makliker en geriefliker te maak om die koerant te koop. Sakeondernemings of instansies wat graag die koerant by hul ondernemings wil verkoop, kan Du Preez vir meer inligting bel by tel. 082 875 2756. Annatjie van Vreden (84), geliefde inwoner van Bela-Bela, is op Vrydag 22 November in die Moot-hospitaal in Pretoria oorlede. Haar man, Floris, is in 2017 oorlede. Annatjie se familie sal haar onthou as ’n baasbakster met ’n fyn humorsin, gasvry, vrygewig en diep gelowig. Sy was veral op die dorp bekend vir haar heerlike suurlemoen- meringueterte. Dié ystervrou kon op 79 jaar groot sandduine uitklim en het op 81 jaar ’n groot karavaan na Punda Maria in die Krugerwildtuin gesleep. Haar gedenkdiens vind op Saterdag 30 November om 11:00 vanuit die NG Moedergemeente in die dorp plaas. Haar kinders wil graag haar bure en vriende hartlik bedank vir hulle hulp en bystand aan hul ma sedert Floris se dood. Die VLU se Sonskynaandtak in Bela-Bela het hul jaarafsluitingsfunksie op Donderdag 21 November aangebied. ’n Nuwe bestuur is vir 2020 gekies. Op die foto is Maria Oberholzer (skakelbeampte), Irma Day (tak-voorsitter), Lientjie van Wyk (tesourier), Melanie Webb (beoordelaar en sameroeper) en Marinda White (sekretaresse). Oos (89) en Lucille (86) Eksteen van Bela-Bela vier op Vrydag 29 November hul 67ste huweliksherdenking. Die egpaar woon die afgelope 19 jaar in Bela-Bela. Oos het voor sy afrede vir die Delmas-munisipaliteit gewerk. Lucille het die administrasie van Hoërskool Delmas behartig en was jare lank ’n orrelis in die NG-gemeente. Hul kinders wens hulle ’n spesiale huweliksherdenking toe en is dankbaar vir al die genades. Oos en Lucille het vyf kinders, 11 kleinkinders en agt agterkleinkinders. Die Dameskring van Modimolle het op Maandag 16 September ’n lentetee vir rustende lede gehou. Daar is gedigte voorgedra en die vroue het verhale gedeel oor die ontstaan en groei van die Dameskring as vroue-organisasie. Daarna is daar gesellig verkeer. Op die foto is Hettie Kotzé, Adri Nel, Anna Rossouw, Sylva de Vries, Mari Schwartz, Winnie Cilliers, Mona Roets en Rien Joubert. November 28, 2019 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Share Facebook X LinkedIn Pinterest WhatsApp Telegram Share via Email Print