Die Bosveld-jagtersvereniging se Waterberg-tak (BJV) het op Vrydag 1 November hul jaarafsluiting by die Bootklub buite Bela-Bela gehou.
Die BJV se nuwe bestuurspan vir 2020 bestaan uit Jan Hoogenboezem, Jannie Engelbrecht (voorsitter) en Jan van Blerk. Agter is Pierre Pretorius, Jandré van Ellewee, Francois Marais en Japie Cilliers. Roelof Jordaan was afwesig met die neem van die foto.
Die topjagters is by dié geleentheid vereer en ’n nuwe bestuurspan is ook verkies.
Pat Loots is as algehele wenner van die uitvoerende trofeekompetisie aangewys. Op die foto is Japie Cilliers (BJV-ondervoorsitter), Jandré van Ellewee (ondervoorsitter), Loots en Jannie Engelbrecht (BJV-voorsitter).
Dié groep vroulike skuts het vanjaar gewys hoe goed hulle in die kol kan skiet met ’n .22-geweer. Op die foto is Carien Botha (sesde), Maria Grobler (vyfde), Tharine Marais (vierde), Liza Engelbrecht (tweede) en Jané Cilliers (eerste). Jannie Engelbrecht, nuwe BJV-voorsitter, is saam met hulle op die foto. Ida Mostert (derde) was afwesig met die neem van die foto.
Die toptien manlike skuts wat hul slag met ’n .22-geweer gewys het, is Arnold Griesel (eerste) met agter hom Gerhard Botha (10de), Koos Pienaar (vyfde) en Stephanus Griesel (tweede). Heel agter is Japie Cilliers (vierde), Jan van Blerk (sesde), Mario Blitterswijk (negende), Chris Esterhuizen (agtste), Stefan Botha (sewende) en Jannie Engelbrecht (derde).