’n Paar geesdriftige swemmers van Bela-Bela het die afgelope naweek hul Limpopo-kleure verwerf tydens ’n provinsiale byeenkoms by Hoërskool Warmbad. Lara Daling, Ngozi Anyanwu, Christiaan Jooste, Niel du Plessis, Daniel Verster en Bongani Tshabalala het almal deurgedring na die Suid-Afrikaanse-swemkam-
pioenskap wat op Vrydag 13 Desember in Pretoria gehou word. Op die foto is Lara in aksie tydens die gala. Foto: Herman Steyn
Mckayla Vermaak en Amoné van Niekerk van die Warmbad-gimnastiek- en tuimelklub is gekies om deel te wees van die Suid-Afrikaanse Aerialnastix-span wat in Februarie 2020 aan die internasionale Aerialnastix-tuimelkampioenskap in Mauritius deelneem. Saam met hulle op die foto is hul trotse afrigter, Petro von Alleman. Lesers wat graag dié twee gimnaste wil ondersteun, kan vir Von Alleman bel by tel. 082 457 7567.