Die kaptein van Laerskool Nylstroom se eerste krieketspan, Franco Steenkamp, benut hier ’n uitstekende vangskoot. Sy spanmaat, Jaco Briel, kyk angstig toe of die bal in die hand gaan bly. Die Nylies het oortuigend met nege paaltjies gewen. Foto: Herman Steyn
Die eerste krieketspan van Laerskool Nylstroom het op Donderdag 24 Oktober in Polokwane teen Laerskool Phalaborwa kragte gemeet in die Limpopo-finaal. Die Nylies het hul teenstanders vir slegs 96 lopies uitgeboul en die telling met die verlies van slegs een paaltjie behaal om oortuigend met nege paaltjies te wen. Voor is Hendry van Staden en Willie Kruger. In die middel is Tiaan Steffen, Wihan Bezuidenhout, Altus du Plessis, Franco Steenkamp (kaptein), Lukas van der Merwe (onderkaptein), Jannes van Zyl, Zian Vermeulen, Leander Janse van Rensburg, Jaco Briel en HP van Heerden. Agter is Roelf Vorster (afrigter), Hempies du Preez (skoolhoof) en Brandon Neveling (hulpafrigter). Foto: Herman Steyn
Amoné van Niekerk (regs), ’n gr. 11-leerder van Hoërskool Warmbad, is as een van twee gimnaste uit die Waterberg verkies om in Februarie 2020 aan ’n internasionale tuimelkompetisie in Mauritius deel te neem. Die ander gimnas is Mackayla Vermaak van die Waterbergskool vir CVO in Modimolle. Saam met Amoné op die foto is haar afrigter, Petro von Allemann.