Die laerskool se leiers vir 2020 is tydens die prysuitdeling aangewys. Hulle is Macklison Hugo, Nico Bronkhorst, Kiandra Doubell (hoofmeisie), Zhaneardt Grahan (hoofseun), Strachan Schmidt en Lize Stapelberg.
Die foto’s is deur Herman Steyn geneem.
Henru Botha is aangewys as sportseun van die jaar (laerskool). Kobus Stapelberg, ondervoorsitter van die ouerraad, het die trofee aan hom oorhandig.
Vanya Viviers is as junior Dux-leerder aangewys. Hier ontvang sy die wisseltrofee van ds. Christiaan Jooste, waarnemende voorsitter van die ouerraad.
Jani Stapelberg is die skool se sportmeisie van die jaar (laerskool). By haar op die foto is Kobus Stapelberg, ondervoorsitter van die ouerraad.
Melienke Vermaak is aangewys as kultuurmeisie van die jaar (laerskool). Sy het die toekenning van Santie Botha, lid van die ouerraad, ontvang.
Henru Botha het bewys dat hy ’n veelsydige leerder is. Hy het ook die toekenning vir kultuurseun van die jaar (laerskool) verower. Op die foto by Henru is Santie Botha, lid van die ouerraad.
